«ជំនឿមិនមែនជាមូលដ្ឋាននៃការដែលព្រះជាម្ចាស់ព្រមទទួលយើងនោះទេ តែព្រះគ្រីស្ទវិញទេដែលជាមូលដ្ឋានរបស់យើង»។
តើអ្នកណានឹងកាត់ទោសគេបាន ដ្បិតព្រះគ្រីស្ទទ្រង់បានសុគត ជំនួសគេហើយ តែដែលថា ទ្រង់រស់ឡើងវិញ នោះមានទំនង ជាងទ្រង់ក៏គង់នៅខាងស្តាំនៃព្រះ ហើយជាអ្នកអង្វរ ជំនួសយើងរាល់គ្នាដែរ។ (រ៉ូម ៨:៣៤)សេ
ចក្ដីសន្និដ្ឋានដ៏ធំលើការរងទុក្ខ និងការសុគតរបស់ព្រះគ្រីស្ទគឺ៖ «ហេតុនោះ នៅជាន់នេះ អ្នកណាដែលនៅក្នុងព្រះគ្រីស្ទយេស៊ូវ នោះគ្មានទោសសោះ» (រ៉ូម ៨:១)។ ការនៅ «ក្នុងព្រះគ្រីស្ទ» មានន័យថា យើងមានទំនាក់ទំនងជាមួយនឹងទ្រង់ដោយជំនឿ។ ជំនឿនៅក្នុងព្រះគ្រីស្ទផ្សំផ្គុំយើងជាមួយនឹងទ្រង់ ដើម្បីឲ្យការសុគតរបស់ព្រះអង្គត្រឡប់ជាសេចក្ដីស្លាប់របស់យើង ហើយភាពគ្រប់លក្ខណ៍របស់ទ្រង់ត្រឡប់ជាភាពគ្រប់លក្ខណ៍របស់យើងវិញ។ ព្រះគ្រីស្ទត្រឡប់ជាអ្នកទទួលទណ្ឌកម្មជំនួសយើង (ដើម្បីមិនឲ្យយើងត្រូវទ្រាំទ្រ) និងជាភាពគ្រប់លក្ខណ៍របស់យើង (ពីព្រោះយើងមិនអាចត្រឡប់ជាមនុស្សគ្រប់លក្ខណ៍បានដោយខ្លួនឯង)។
ជំនឿមិនមែនជាមូលដ្ឋាននៃការដែលព្រះជាម្ចាស់ព្រមទទួលយើងនោះទេ តែព្រះគ្រីស្ទវិញទេដែលជាមូលដ្ឋានរបស់យើង។ ជំនឿផ្សំផ្គុំយើងជាមួយព្រះគ្រីស្ទ ដើម្បីឲ្យព្រះជាម្ចាស់រាប់សេចក្តីសុចរិតរបស់ព្រះយេស៊ូវថាជាសេចក្តីសុចរិតរបស់យើងដែរ។ «តែយើងដឹងថា ព្រះមិនបានរាប់មនុស្សជាសុចរិត ដោយប្រព្រឹត្តិតាមក្រឹត្យវិន័យឡើយ គឺដោយសារជំនឿដល់ព្រះយេស៊ូវគ្រីស្ទវិញ ហេតុនោះហើយបានជាយើងជឿដល់ព្រះគ្រីស្ទយេស៊ូវ ដើម្បីឲ្យព្រះបានរាប់យើងជាសុចរិតដោយសារជំនឿក្នុងព្រះគ្រីស្ទ មិនមែនដោយប្រព្រឹត្តិតាមក្រឹត្យវិន័យទេ ព្រោះគ្មានអ្នកណាបានសុចរិតដោយប្រព្រឹត្តិតាមក្រឹត្យវិន័យឡើយ» (កាឡាទី ២:១៦ គកស)។ ការដែល «ព្រះបានរាប់យើងជាសុចរិតដោយសារជំនឿ» និងការដែលយើង «...បានសុចរិតក្នុងព្រះគ្រីស្ទ...» (កាឡាទី ២:១៧) គឺជាពាក្យដើរទន្ទឹមគ្នា។ ព្រះជាម្ចាស់បានរាប់យើងជាសុចរិត ដោយសារយើងនៅក្នុងព្រះគ្រីស្ទដោយសារជំនឿ។
នៅពេលដែលគេសួរថា «តើអ្នកណានឹងដាក់ទោសយើង?» យើងអាចផ្ដល់ជាចម្លើយថា គ្មានអ្នកណាទេ! ម្នាក់ក៏គ្មានដែរ! នៅពេលនោះយើងនឹងបង្ហាញពីមូលហេតុចម្បងថា «ព្រះគ្រីស្ទទ្រង់បានសុគត!» (រ៉ូម ៨:៣៤)។ ការសុគតរបស់ព្រះគ្រីស្ទបានរំដោះយើងឲ្យមានសេរីភាពចេញពីការកាត់ទោស។ ការដែលព្រះជាម្ចាស់នឹងមិនកាត់ទោសយើង គឺមានភាពប្រាកដច្បាស់ដូចជាព្រះគ្រីស្ទបានសុគតអញ្ចឹងមែន។ គ្មានការកាត់ទោសពីរដងចំពោះអំពើអាក្រក់តែមួយនៅចំពោះមុខបល្ល័ង្ករបស់ព្រះជាម្ចាស់ឡើយ។ ព្រះជាម្ចាស់នឹងមិនកាត់ទោសយើងពីរដងនូវទោសកំហុសដែលយើងបានប្រព្រឹត្តខុសម្ដងនោះឡើយ។ ព្រះគ្រីស្ទបានសុគតជំនួសបាបរបស់យើងតែមួយដង។ ហើយព្រះជាម្ចាស់នឹងមិនកាត់ទោសអំពើបាបរបស់យើងទៀតឡើយ។ ព្រះជាម្ចាស់បានលើកការកាត់ទោសចោល ប៉ុន្តែនេះមិនមែនមានន័យថា គ្មានការកាត់ទោសនោះទេ ពីព្រោះទ្រង់បានកាត់ទោសព្រះយេស៊ូវជំនួសយើងរួចទៅហើយ។
Score 2
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន
មានមតិយោបល់ដែលបានអនុម័ត 0
មិនទាន់មានមតិយោបល់ដែលបានអនុម័តទេ។
មតិយោបល់នឹងត្រូវបានពិនិត្យមុនពេលបង្ហាញ។
ប៉ុន្តែ ចុះចំណែកឯការកាត់ទោសពីលោកីយ៍វិញ? តើនោះមិនមែនជាចម្លើយដែលសួរថា «តើអ្នកណានឹងដាក់ទោសយើង» ទេឬអី? តើលោកីយ៍មិនបានកាត់ទោសគ្រីស្ទបរិស័ទទេឬអី? មានគេបានសម្លាប់គ្រីស្ទបរិស័ទជាច្រើន ដោយសារជំនឿរបស់ពួកគេ។ តែទោះជាយ៉ាងនេះក្ដី ចម្លើយនៅតែដដែលគឺថា គ្មានបុគ្គលណាម្នាក់អាចនឹងកាត់ទោសយើងឲ្យនៅជាប់ទោសបានឡើយ។ គេនឹងព្យាយាមចោទប្រកាន់យើង តែការចោទប្រកាន់នោះមិនអាចធ្វើអ្វីយើងបានឡើយ។ «តើអ្នកណានឹងចោទប្តឹងពីពួករើសតាំងរបស់ព្រះបាន ដ្បិតគឺជាព្រះហើយ ដែលទ្រង់រាប់គេជាសុចរិត?» (រ៉ូម ៨:៣៣)។ ដូចគ្នានេះដែរ នៅពេលដែលព្រះគម្ពីរសួរថា «តើអ្នកណានឹងពង្រាត់យើងចេញពីសេចក្ដីស្រឡាញ់របស់ផងព្រះគ្រីស្ទបាន តើសេចក្ដីទុក្ខលំបាក ឬសេចក្ដីវេទនា សេចក្ដីបៀតបៀន សេចក្ដីអត់ឃ្លាន សេចក្ដីអាក្រាត សេចក្ដីអន្តរាយ ឬដាវឬអី» (រ៉ូម ៨:៣៥)។ នេះមិនមែនមានន័យថា ការទាំងនេះមិនកើតឡើងចំពោះគ្រីស្ទបរិស័ទនោះទេ។ ចម្លើយនោះគឺ «ទេ ក្នុងសេចក្ដីទាំងនេះ យើងវិសេសលើសជាងអ្នកដែលមានជ័យជម្នះទៅទៀត តាមរយៈព្រះអង្គដែលបានស្រឡាញ់យើង» (រ៉ូម ៨:៣៧ គកស)។
លោកីយ៍នឹងកាត់ទោសយើង ពួកគេប្រហែលនឹងសម្លាប់យើង។ ប៉ុន្តែ យើងបានដឹងច្បាស់ហើយថា តុលាការដ៏ខ្ពស់បំផុតដែលជាព្រះជាម្ចាស់ ទ្រង់បានលើកលែងទោសយើងរួចហើយ។ «ដូច្នេះ យើងនឹងថ្លែងប្រាប់ពីសេចក្ដីទាំងនេះថាដូចម្តេច បើសិនជាព្រះកាន់ខាងយើង តើអ្នកណាអាចទាស់នឹងយើងបាន?» (រ៉ូម ៨:៣១)។ គ្មានអ្នកណាម្នាក់អាចទាស់នឹងយើងបានឡើយ។ បើគេបដិសេធយើង ព្រះជាម្ចាស់ទទួលស្គាល់យើង។ បើគេស្អប់យើង ព្រះជាម្ចាស់ស្រឡាញ់យើង។ បើគេឃុំឃាំងយើង ព្រះជាម្ចាស់ដោះលែងវិញ្ញាណយើងឲ្យមានសេរីភាព។ បើគេធ្វើទុក្ខយើង ព្រះជាម្ចាស់បន្សុទ្ធយើងដោយភ្លើង។ បើគេសម្លាប់យើង ព្រះជាម្ចាស់យកឱកាសនាំយើងទៅកាន់ស្ថានបរមសុខ។ ពួកគេមិនអាចមានជ័យជម្នះលើយើងទេ។ ព្រោះព្រះគ្រីស្ទបានសុគត ហើយមានព្រះជន្មរស់ឡើងវិញ។ យើងមានជីវិតនៅក្នុងទ្រង់ ហើយនៅក្នុងទ្រង់ គ្មានការកាត់ទោសឡើយ។ ទ្រង់បានអត់ទោសឲ្យយើង ហើយបានរាប់យើងជាសុចរិត។ «...តែមនុស្សសុចរិតមានចិត្តក្លាហានដូចសិង្ហវិញ» (សុភាសិត ២៨:១)។
កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។
