ក្ដៅៗ! មកដល់ហើយ! ឥឡូវនេះ លោកអ្នកអាចស្ដាប់ព្រះគម្ពីរភាសាខ្មែរជាសំឡេងបានហើយ! អស្ចារ្យមែន!
លោកអ្នកអាចស្ដាប់ព្រះគម្ពីរភាសាខ្មែរជាសំឡេងបានហើយ! អស្ចារ្យមែន!
ជ្រើសរើស "Khmer Central" ពីម៉ឺនុយទម្លាក់ចុះ
ទំនុកតម្កើង ១៩:៧-១១ «ឯក្រឹត្យវិន័យរបស់ព្រះយេហូវ៉ានោះគ្រប់លក្ខណ៍ ក៏កែព្រលឹងឡើងវិញ សេចក្ដីបន្ទាល់នៃព្រះយេហូវ៉ាជាពិត ក៏ធ្វើឲ្យមនុស្សខ្លៅល្ងង់មានប្រាជ្ញា សេចក្ដីបញ្ញត្តរបស់ព្រះយេហូវ៉ាសុទ្ធតែទៀងត្រង់ ក៏បណ្ដាលឲ្យចិត្តរីករាយសប្បាយ ក្រិត្យក្រមនៃព្រះយេហូវ៉ាជាសុទ្ធសាធ ក៏បំភ្លឺភ្នែក សេចក្ដីកោតខ្លាចដល់ព្រះយេហូវ៉ា នោះជាបរិសុទ្ធ ក៏នៅជាប់ជារៀងរាបដរាប អស់ទាំងខច្បាប់របស់ព្រះយេហូវ៉ាសុទ្ធតែពិតត្រង់ ហើយសុចរិតគ្រប់ជំពូក សេចក្ដីទាំងនោះគួរចង់បានលើសជាងមាស អើ ជាជាងមាសសុទ្ធជាច្រើនផង ក៏ផ្អែមជាងទឹកឃ្មុំ ហើយជាងដំណក់ស្រក់ពីសំណុះផង មួយទៀត ទូលបង្គំ ជាអ្នកបម្រើទ្រង់ ក៏ចេះ ប្រយ័ត្ន ដោយសារសេចក្ដីទាំងនោះដែរ ហើយដែលកាន់តាម នោះក៏មានរង្វាន់យ៉ាងធំ»។
យើងសង្ឃឹមថា តាមរយៈការស្ដាប់ព្រះគម្ពីរជាសំឡេង លោកអ្នកនឹងលូតលាស់ខាងឯងវិញ្ញាណ។ ប្រសិនបើលោកអ្នកចំណាយពេលស្ដាប់៣-៤ជំពូកក្នុងមួយថ្ងៃ នោះលោកអ្នកនឹងស្ដាប់ចប់ព្រះគម្ពីរទាំងមូលក្នុងរយៈមួយឆ្នាំ! សូមព្រះជាម្ចាស់ប្រទានពរ។
Score 55
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន
មានមតិយោបល់ដែលបានអនុម័ត 15
ពិតជាល្អណាស់ ចាស់ទៅភ្នែកមើលមិនសូវឃើញបាន ស្តាប់យោង
អរគុណបង! ថ្វាយសិរីល្អទៅព្រះនៃយើងចុះ! សូមចែករំលែកដល់អស់អ្នកណាដែលពួកគាត់ត្រូវផងដែរ!
ការធ្វើបែបនេះគឺមានគុណសម្បត្តិនឹងគុណវិបត្តិ គុណវិបត្តិនោះគឺ ៙វានឹងធ្វើឱ្យគ្រឹស្តបរិសុទ្ធមួយចំនួនខ្ជិលក្នុងការអានព្រះគម្ពីរហើយស្វែងយល់ ដោយមានការកត់សម្គាល់លើព្រះគម្ពីរ។ គុណសម្បត្តិនោះគឺ ៙ងាយស្រួលពេលចង់ស្តាប់ព្រះបន្ទូលតាមរថយន្តជាដើម
សួរស្ដីបង ! ហើយចុះបងមាននឹកឃើញដល់ បងប្អូន ឬក៏ចាស់ៗខ្លះដែលពួកគាត់មិនចេះអានអក្សរ ឬក៏គាត់ពិការភ្នែកទាំងគូរដែរឬទេ? ជាពិសេសនៅតាមជនបទ មានអ្នកខ្លះបន្ទាប់ពីជំនាន់ប៉ុលពតមកពួកគាត់មិនទាំងចេះអានអក្សរផង។ តើពួកគាត់មិនត្រូវការឮ ព្រះបន្ទូលព្រះទេឬអី? អ្នកដែលខ្ចិលអានព្រះគម្ពីរ អ្នកនោះគឺមនុស្សខ្ជីខ្ជារពេលវេលា ហើយវារឿងរបស់គាត់ជាមួយព្រះ ហើយព្រះក៏មិនសព្វព្រះហឬទ័យនឹងគ្រីស្ទបរិស័ទខ្ជិលនោះទេ ផ្ទុយទៅវិញធ្វើឲ្យបំណងព្រះឬទ័យព្រួយទៅវិញ។ សូមព្រះប្រទានពរ!
កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។
បងពិតជាអរគុណខ្លាំងណាស់សំរាប់ព្រះបន្ទូលជាសំលេង ព្រោះមានអត្ថប្រយោជន៍គ្រប់វ័យ ជាពិសេសដល់អ្នកម្តាយ លោកឪពុកចាស់ អ្នកជំងឺដែលគាត់មិនអាចអានបាន។ បងមានការលើកទឹកចិត្ត។ តែបងមិនទាន់ចេះដោនឡូនដើម្បីអោយនៅលើទូរសព្ឌ័ ហើយពេលយើងបើកស្តាប់ដោយមិនចាំបាច់មានInternet ព្រោះចាស់ៗច្រើនគាត់ពិបាកស្វែងរក។អរគុណម្តងទៀត។
អរគុណបង សម្រាប់ការបញ្ចេញមតិយោបល់ ។ តាមពិត ព្រះគម្ពីរជាសំលេងនេះ មិនមែនជាព័ន្ធកិច្ចដែលយើងផលិតឡើងនោះទេ យើងបានឃើញមានក្រុមជំនុំមួយ បានផលិតព្រះគម្ពីរជាសំលេងនេះឡើង ដើម្បីជាចែកជូនដល់គ្រីស្ទបរិស័ទគ្រប់រូបដោយឥតគិតថ្លៃ។ ហើយខាងយើងខ្ញុំក៏ឃើញថា វាពិតជាជួយដល់គ្រីស្ទបរិស័ទដ៏ទៃដែលនៅតំបន់ដាច់ស្រយាល អ្នកមិនទាន់ចេះអក្សរ អ្នកពិការភ្នែក ហើយចាស់ៗខ្លះដែលនៅរស់សល់ពីជំនាន់ប៉ុលពត ដែលគាត់មិនអាចអានអក្សរបាន យើងបានយកវាក្នុងវេបសាយ។ ខាងយើងខ្ញុំអាចធ្វើឲ្យDownload វាបាន ប៉ុន្តែខាងយើងខ្ញុំត្រូវមានសិទ្ធអនុញ្ញាតិពីសមាគមព្រះគម្ពីរផងដែរ នេះជាបញ្ហាមួយដែលអ្នកផលិតព្រះគម្ពីរសំលេងមួយនេះកំពុងប្រឈមមុខ។ តែឥឡូវនេះ សមាគមព្រះគម្ពីរកំពុងរៀបចំព្រះគម្ពីរជាសំលេងបណ្ដើរៗហើយ តែមិនដឹងពេលណាហើយទេ ដូច្នេះ យើងត្រូវរងចាំបន្តទៅទៀត។ សូមអរគុណច្រើន! សូមព្រះប្រទានពរ!
តើខ្ញុំអាចទាញយកបានដោយរបៀបណាដែលបង?
សួរស្ដីបង បងអាចសាកម្ដងទៀត ! សូមព្រះប្រទានពរ!
អរគុណបង កម្មវិធីនេះ ជួយដល់សមាជិកមនុស្សចាស់ៗ របស់ក្រុមជំនុំខ្ញុំបានច្រើនណាស់. ពួកគាត់អាចស្ដាប់ព្រះបន្ទូលរបស់ព្រះជាម្ចាស់បានយ៉ាងងាយស្រួល
អាម៉ែន! សូមថ្វាយសិរីល្អដល់ព្រះ!
ជំរាបសួរលោកគ្រូ តើធ្វើបែបណាទើប ទាញយកសំលេង ព្រះបន្ទូលបាន ?
សូមទោស - សូមព្យាយាមទាញយកម្តងទៀត។
សូមបងព្យាយាមម្ដងទៀត!
Hi, I have tried to download the audio and all of them are not working, may I know if this downloading still works? How do I obtain this audio? Thank you.
សួស្តីបង! ពួកយើងអត់មានព្រះគម្ពីរភាសាខ្មែរជាសំឡេងសម្រាប់«ទាញយក»ទៅស្តាប់ដោយផ្ទាល់នោះទេ បងអាចចូលទៅស្តាប់លើអិនធើណេតបាន តាមរយៈតំណរភ្ជាប់«ទាញយកស្តាប់ព្រះគម្ពីរនៅលើអិនធើណេត»ខាងលើ។ សូមព្រះប្រទានពរ!
មតិយោបល់នឹងត្រូវបានពិនិត្យមុនពេលបង្ហាញ។
