ដូច្នេះ ការចុះចូលគ្នាទៅវិញទៅមកមិនមែនមានន័យថា ចុះចូលគ្នាទៅវិញទៅមកក្នុងសណ្ឋានដូចគ្នានោះទេ។ ការចុះចូលគ្នាទៅវិញទៅមកនោះ មិនធ្វើការដឹកនាំរបស់ព្រះគ្រីស្ទលើក្រុមជំនុំមានភាពអន់ខ្សោយ ហើយក៏មិនគួរធ្វើមានការសម្របសម្រួលដល់ការដឹកនាំរបស់ប្ដីលើប្រពន្ធរបស់គាត់ផងដែរ។
ទី១ យើងសង្កត់ធ្ងន់ទៅលើការដឹកនាំដែលដូចជាព្រះគ្រីស្ទ ការដឹកនាំដែលលះបង់ «ឯពួកប្រុសៗ នោះក៏ត្រូវនៅជាមួយនឹងប្រពន្ធដោយប្រាជ្ញាដែរ ដូចនឹងគ្រឿងភាជនៈដែលខ្សោយជាង គឺជាមនុស្សស្រី ព្រមទាំងរាប់អាននាង ទុកដូចជាអ្នកគ្រងព្រះគុណនៃជីវិត ទុកជាមរដកជាមួយគ្នា...» (១ពេត្រុស ៣:៧) ហើយស្របពេលជាមួយគ្នានោះ យើងសង្កត់ធ្ងន់លើការចុះចូលដោយយកចិត្តទុកដាក់ ដែលមិនបានធ្វើឲ្យបុរសៗជាប្ដីក្លាយជាចៅហ្វាយនាយដាច់មុខនោះទេ (សូមមើលសំណួរទី៥)។ ទី២ យើងជឿថា ការរំលោភបំពានលើប្រពន្ធ និងការរំលោភបំពានលើប្ដី មានឫសគល់យ៉ាងជ្រៅមកពីការបរាជ័យនៃភាពជាឪពុកម្តាយនៅក្នុងការផ្ទេរដល់កូនប្រុសស្រីរបស់ខ្លួននូវអត្ថន័យនៃភាពជាបុរស និងភាពជាស្ត្រីពិតប្រាកដ។ សេចក្ដីភាន់ច្រឡំ និងភាពច្របូកច្របល់នៃអត្តសញ្ញាណភេទ ជារឿយៗលេចឡើងនូវអាកប្បកិរិយាផ្សេងៗដែលបង្កឲ្យមានហានិភ័យ។ ដំណោះស្រាយ គឺមិនមែន ដើម្បីកាត់បន្ថយភាពខុសគ្នាខាងភេទ (ដែលនឹងផ្ទុះឡើងនៅពេលក្រោយ នៅក្នុងលក្ខណៈគំរាមកំហែងនោះទេ) ប៉ុន្តែ ដើម្បីបង្រៀននៅក្នុងផ្ទះ និងក្រុមជំនុំអំពីលក្ខណៈនៃភាពជាបុរស និងភាពជាស្ត្រីពិតប្រាកដនឹងបរិយាយនៅក្នុងតួនាទីដែលពេញដោយសេចក្ដីស្រឡាញ់ និងបំពេញគ្នាទៅវិញទៅមកនៅក្នុងចំណងអាពាហ៍ពិពាហ៍។
អ្វីៗគ្រប់យ៉ាង អាស្រ័យទៅលើអ្វីដែលលោកអ្នកចង់សំដៅទៅលើ «ការចុះចូលគ្នាទៅវិញទៅមក»។ ពួកយើងខ្លះបានដាក់សម្ពាធលើការព្រមព្រៀងគ្នានៅត្រង់ចំណុចនេះច្រើនជាងអ្វីៗផ្សេង។
ប៉ុន្តែ ទោះបីជាសាវ័ក ប៉ុល ចង់សំដៅដល់ ការព្រមព្រៀងគ្នាពេញលេញ (ប្រពន្ធចុះចូលនឹងប្ដី ហើយប្ដីចុះចូលនឹងប្រពន្ធ) ក្ដី នេះមិនមានន័យថា ប្ដី និងប្រពន្ធគួរចុះចូលគ្នាទៅវិញទៅមក ក្នុងរបៀបដូចគ្នានោះទេ។ ចំណុចសំខាន់នោះគឺត្រូវចងចាំថា បទគម្ពីរនេះ សំដៅដល់ទំនាក់ទំនងរវាងប្ដី និងប្រពន្ធត្រូវធ្វើឡើងតាមគំរូនៃទំនាក់ទំនងរវាងព្រះគ្រីស្ទ នឹងក្រុមជំនុំ។ តើព្រះគ្រីស្ទ និងក្រុមជំនុំចុះចូលនឹងគ្នាទៅវិញទៅមកដែរឬទេ? ទេ! មិនចុះចូលគ្នាទៅវិញទៅមកទេ ប្រសិនបើការចុះចូលនោះសំដៅទៅលើព្រះគ្រីស្ទបង្កើនអំណាចរបស់ក្រុមជំនុំ។ ប៉ុន្តែ ព្រះគ្រីស្ទ និងក្រុមជំនុំចុះចូលគ្នាទៅវិញទៅមក ប្រសិនបើការចុះចូលនោះ សំដៅទៅលើព្រះគ្រីស្ទបានដាក់អង្គទ្រង់ទៅនឹងការរងទុក្ខ និងសេចក្ដីស្លាប់ ដើម្បីជាប្រយោជន៍ដល់ក្រុមជំនុំ។ ទោះបីជាយ៉ាងណាក៏ដោយ នោះមិនមែនជារបៀបដែលពួកជំនុំចុះចូលចំពោះព្រះគ្រីស្ទទេ។ ក្រុមជំនុំចុះចូលចំពោះព្រះគ្រីស្ទ ដោយបញ្ជាក់អំពីសិទ្ធិអំណាច ហើយធ្វើតាមការដឹកនាំរបស់ទ្រង់។ ដូច្នេះ ការចុះចូលគ្នាទៅវិញទៅមកមិនមែនមានន័យថា ចុះចូលគ្នាទៅវិញទៅមកក្នុងសណ្ឋានដូចគ្នានោះទេ។ ការចុះចូលគ្នាទៅវិញទៅមកនោះ មិនធ្វើការដឹកនាំរបស់ព្រះគ្រីស្ទលើក្រុមជំនុំមានភាពអន់ខ្សោយ ហើយក៏មិនគួរធ្វើមានការសម្របសម្រួលដល់ការដឹកនាំរបស់ប្ដីលើប្រពន្ធរបស់គាត់ផងដែរ។
Score 0
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន
មានមតិយោបល់ដែលបានអនុម័ត 0
មិនទាន់មានមតិយោបល់ដែលបានអនុម័តទេ។
មតិយោបល់នឹងត្រូវបានពិនិត្យមុនពេលបង្ហាញ។
កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។
