ប្រសិនបើលោកអ្នកមិនគិតបែបនេះទេ នោះវាអាចនឹងនាំឲ្យមានការបែកបាក់គ្នានៅក្នុងជីវិតអាពាហ៍ពិពាហ៍របស់លោកអ្នកជាមិនខាន។
ពិតជាមាន «គូព្រេង» សម្រាប់យើងម្នាក់ៗមែនដែរឬទេ?
ប្រសិនបើលោកអ្នកកំពុងចែចង់គ្នា តើលោកអ្នកអាចដឹងបានដោយរបៀបណាថា គាត់ជា «គូព្រេង» របស់លោកអ្នក? តើគាត់ជាបុគ្គលដែលលោកអ្នកមិនសូវឈ្លោះប្រកែកជាមួយគ្នាមែនទេ? ជាបុគ្គលដែលចូលចិត្តអ្វីៗដូចលោកអ្នកមែនទេ? ជាបុគ្គលដែលអាចបំពេញគ្នាទៅវិញទៅមកមែនទេ? ជាបុគ្គលដែលលោកអ្នកអាចនឹកស្រមៃឃើញថា អាចនឹងស្រឡាញ់គ្នារហូតដល់ចាស់សក់ស្កូវមែនទេ? ឬក៏ជាបុគ្គលដែលមានគ្រប់ទាំងចំណុចដូចដែលមានរៀបរាប់នៅខាងលើនេះ?
យើងខ្ញុំចង់ប្រាប់ថា ប្រសិនបើលោកអ្នកគិតថា ពិតជាមាន «គូព្រេង» សម្រាប់ខ្លួនមែន នោះក៏មានន័យថា មានបុគ្គលដែលមិនមែនជា «គូព្រេង» របស់លោកអ្នកដែរ។ ការគិតថា មានគូព្រេង ឬមិនមានគូព្រេង មើលទៅហាក់បីដូចជាគ្មានគ្រោះថ្នាក់អ្វីសោះ ហើយអ្នកខ្លះថែមទាំងហ៊ាននិយាយថា គំនិតបែបនេះល្អទៀតផង ជាពិសេសនៅពេលដែលកំពុងស្វែងរកដៃគូអនាគត។ តែទោះជាយ៉ាងណាក្ដី នៅពេលដែលលោកអ្នកបានរៀបការហើយ នោះចូរកុំឲ្យពោលពាក្យថា ខ្លួនបានរៀបការជាមួយមនុស្សខុសឡើយ។
ប្រសិនបើលោកអ្នកគិតបែបនេះមែន នោះវាអាចនឹងធ្វើឲ្យជីវិតអាពាហ៍ពិពាហ៍របស់លោកអ្នកមានភាពរកាំរកូសជាមិនខាន។
ប្រសិនបើយើងគិតថា ខ្លួនមិនបានរៀបការជាមួយនឹង «គូព្រេង» នោះយើងក៏នឹងងាយបាត់បង់ទំនុកចិត្តលើទំនាក់ទំនងរវាងគ្នានឹងគ្នាដែរ ជាពិសេសនៅពេលដែលយើងជួបទុក្ខលំបាកនៅក្នុងជីវិតអាពាហ៍ពិពាហ៍របស់យើង។ ប្រសិនបើយើងគិតថា ខ្លួនឯងទំនងមិនបានរៀបការជាមួយ «គូព្រេង» ចុះហេតុអ្វីបានជាយើងនៅបន្តលះបង់ ហើយព្យាយាមធ្វើឲ្យជីវិតអាពាហ៍ពិពាហ៍នោះបន្តទៅមុខទៀត? ហេតុអ្វីបានជាមិនធ្វើលិខិតស្នាមលែងលះគ្នាទៅ ហើយចាប់ផ្ដើមស្វែងរកបុគ្គលដែលខ្លួនគិតថាជា «គូព្រេង» ដោយសង្ឃឹមថា គេក៏មិនបានជ្រើសរើសមនុស្សខុសដូចលោកអ្នកដោយបានរៀបការជាមួយអ្នកណាផ្សេង?
នៅក្នុងជីវិតអាពាហ៍ពិពាហ៍ដែលមានការបែកបាក់គ្នា ពួកគាត់តែងតែគិតថា ខ្លួនទំនងជារៀបការជាមួយមនុស្សខុស។
វិថីស្នេហា
យើងទាំងអស់គ្នាសុទ្ធតែធ្លាប់បានមើលកុន ឬក៏ភាពយន្តបែបមនោសញ្ចេតនា។
ភាពយន្តបែបមនោសញ្ចេតនាមានរៀបរាប់ពីបុរស និងស្ត្រីម្នាក់ដែល «គួរតែ បានរួមរស់នៅជាមួយគ្នា ប៉ុន្តែពួកគេម្នាក់ៗ បែរជារួមរស់ជាមួយអ្នកដទៃទៅវិញ។ វាសនាបានបញ្ចប់ ស្នេហាពិត របស់ពួកគេហើយ។
Score -1
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន
មានមតិយោបល់ដែលបានអនុម័ត 3
Thanks so much❤ I love . Thanks God!
if you have voice is very good
Now we have audio! We hope you enjoy it and are blessed by these articles.
មតិយោបល់នឹងត្រូវបានពិនិត្យមុនពេលបង្ហាញ។
ជាដំបូង យើងមិនចង់ឲ្យពួកគេបានរួមរស់នៅជាមួយគ្នាទេ ព្រោះយើងឲ្យតម្លៃលើជីវិតអាពាហ៍ពិពាហ៍ខ្ពស់ ហើយក៏មិនចង់ឃើញការបែកបាក់គ្នានៅក្នុងជីវិតអាពាហ៍ពិពាហ៍របស់អ្នកដទៃដែរ។ ប៉ុន្តែ ខណៈពេលដែលខ្សែភាពយន្តបន្តលេងតទៅមុខទៀត វាក៏ចាប់ផ្ដើមលួចចិត្តយើង ដោយលែងឲ្យយើងបន្តគិតដូចមុនទៀត ព្រោះអ្វីៗដែលបានកើតឡើងនៅក្នុងទំនាក់ទំនងរបស់ពួកគេ បានចាប់ផ្ដើមបង្វែរចិត្តរបស់យើង។ នៅពេលដែលខ្សែភាពយន្តកាន់តែបន្តទៅមុខ យើងក៏ចាប់ផ្ដើមចង់ឃើញការបែកបាក់គ្នានៅក្នុងទំនាក់ទំនងមួយ ដើម្បីផ្ដល់ឱកាសឲ្យទំនាក់ទំនងមួយទៀតកើតឡើង។ នៅក្នុងខ្សែភាពយន្តតែមួយសោះ យើងបានបង្វែរចិត្តខ្លួនដោយគិតថា ប្រសិនបើមានការបែកបាក់គ្នានៅទំនាក់ទំនងមួយ ដើម្បីផ្ដល់ឱកាសឲ្យទំនាក់ទំនងមួយទៀតកើតឡើង នោះគឺជារឿងមិនត្រឹមត្រូវទេ។ ដំបូង យើងគ្រាន់តែចាប់ផ្ដើមគិតថា «ពួកគេគួរតែបែកគ្នា» ប៉ុន្តែក្រោយមកទៀតយើងទទួលស្គាល់ថា «ពួកគេត្រូវតែបែកគ្នា» ដើម្បីឲ្យទំនាក់ទំនងថ្មីមួយទៀតកើតឡើង។ ហើយនៅពេលដែលខ្សែភាពយន្តនេះបញ្ចាំងចប់ យើងក៏ចាប់ផ្ដើមស្រែកហ៊ោ នៅពេលដែលយើងឃើញទំនាក់ទំនងថ្មីរបស់អ្នកទាំងពីរនៅក្នុងភាពយន្តនោះបានរួមរស់នៅជាមួយគ្នា ទោះបើពួកគេបានប្រព្រឹត្តសេចក្ដីកំផិតក៏ដោយ។
មានខ្សែភាពយន្តជាច្រើនផ្ដោតទៅលើរឿងបែបនេះ ពោលគឺផ្ដោតលើការមាន ឬក៏មិនមានបុគ្គលដែលខ្លួនគិតថាជា «គូព្រេង»។
មនុស្សដែលខ្លួនគិតថា «មិនមែនជាគូព្រេង»
បើនិយាយឲ្យចំទៅ៖ យើងមិនអាចរាប់អ្នកនេះ ឬក៏អ្នកនោះថាជា «ដៃគូជីវិត» របស់យើងបានទេ លុះត្រាតែយើងបានរៀបការរួចហើយ។ បុគ្គលដែលលោកអ្នកបានរៀបការជាមួយគឺជា «ដៃគូជីវិត»។ នោះគឺជាអំណះអំណាងនៃការដែលមនុស្សស្រីម្នាក់ និងមនុស្សប្រុសម្នាក់បានចូលរោងការ។
ជីវិតអាពាហ៍ពិពាហ៍គឺជាការប្ដេជ្ញាចិត្តថា យើងនឹងរស់នៅជាមួយបុគ្គលដែលមិនមានលក្ខណៈល្អឥតខ្ចោះ។ នេះមិនមែនមានន័យថា លោកអ្នកនឹងត្រូវមើលរំលងលក្ខណៈមិនគ្រប់លក្ខណ៍របស់គាត់ឡើយ តែលោកអ្នកនឹងនៅតែប្ដេជ្ញាចិត្តស្រឡាញ់គាត់ ទោះបើគាត់មិនមានលក្ខណៈល្អឥតខ្ចោះក៏ដោយ។ ពេលដែលលោកអ្នកបានរៀបការហើយ នោះមានន័យថា លោកអ្នកមិនគ្រាន់តែទទួលបានលក្ខណៈមិនល្អឥតខ្ចោះរបស់គាត់នោះទេ តែលោកអ្នកថែមទាំងត្រូវមានការប្ដេជ្ញាចិត្តស្រឡាញ់គាត់ ទោះបើគាត់មិនមានលក្ខណៈល្អឥតខ្ចោះក៏ដោយ (អេភេសូរ ៥:២៥)។
ខណៈពេលដែលយើងកំពុងប្ដេជ្ញាចិត្ត យើងត្រូវតែចងចាំថា ខ្លួនទំនងជាអ្នកខុសដែលមិនសមនឹងបានអ្នកនេះ ឬអ្នកនោះធ្វើជាដៃគូជីវិតឡើយ (រ៉ូម ៣:២៣)។ នោះឯងជាចំណុចដែលបង្ហាញថា ជីវិតអាពាហ៍ពិពាហ៍គឺអស្ចារ្យណាស់! ព្រោះបុគ្គលដែលមិនសមនឹងបានគ្នាជាប្ដីប្រពន្ធនៅមានការប្ដេជ្ញាចិត្តចំពោះគ្នានឹងគ្នា។ គ្មានអ្នកណានឹងទទួលបានកោតសរសើរតាមរយៈការដែលមនុស្សល្អឥតខ្ចោះពីរនាក់ប្ដេជ្ញាចិត្តស្រឡាញ់គ្នាទេ។
បុគ្គលដែលជា «ដៃគូជីវិត» គឺជាបុគ្គលដែលលោកអ្នកបានរៀបការជាមួយ
សរុបសេចក្ដីមក ចូរស្វែងរកបុគ្គលដែលកំពុងតែសង្វាតដេញតាមការញែកជាបរិសុទ្ធយ៉ាងខ្លាំងក្លា យកមកធ្វើជាដៃគូក្នុងជីវិតទៅវិញចុះ ជាជាងស្វែងរកបុគ្គលដែលជា «ដៃគូជីវិត» ដែលខ្លួនគិតថាជា «គូព្រេង»។ នៅពេលដែលលោកអ្នកបានរៀបការ ហើយ នោះមានន័យថា លោកអ្នកបានតាំងសញ្ញាជាសាធារណៈនៅចំពោះព្រះជាម្ចាស់ និងមនុស្សគ្រប់គ្នាដោយអះអាងថា លោកអ្នកគឺជាប្ដីប្រពន្ធនឹងគ្នា។ នេះមានន័យថា លោកអ្នកបានរៀបការជាមួយដៃគូជីវិតរបស់លោកអ្នកហើយ! យើងខ្ញុំសូមចូលរួមអបអរសាទរជាមួយលោកអ្នកផង! ប្រសិនបើលោកអ្នកបានរៀបការហើយ នោះមានន័យថា លោកអ្នកបានរៀបការជាមួយនឹងដៃគូជីវិតរបស់លោកអ្នកហើយ។ យើងខ្ញុំសូមចូលរួមអបអរសាទរជាមួយលោកអ្នកផង! (ម៉ាថាយ ១៩:៤-៦)។
នៅថ្ងៃអនាគត នៅពេលដែលលោកអ្នកជួបបញ្ហា នោះចូរចងចាំថា ជីវិតអាពាហ៍ពិពាហ៍ដ៏ល្អបំផុតនៅលើផែនដីនេះ គឺនៅតែជាទំនាក់ទំនងរវាងមនុស្សពីរនាក់ដែលត្រូវការសេចក្ដីសង្គ្រោះមកពីព្រះជាម្ចាស់។ នេះជារឿងអស្ចារ្យណាស់ ដែលព្រះយេស៊ូវបានយាងមក ដើម្បីនឹងស្ដារយើងឡើងវិញ និងដើម្បីឲ្យយើងមានទំនាក់ទំនងល្អឥតខ្ចោះជាមួយទ្រង់ផ្ទាល់ផងដែរ (វិវរណៈ ២១:១-៥)។
កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។
