«បុរសរាល់គ្នាអើយ ចូរស្រឡាញ់ប្រពន្ធខ្លួន ដូចជាព្រះគ្រីស្ទបានស្រឡាញ់ដល់ពួកជំនុំ» (អេភេសូរ ៥:២៥)។
នពេលខ្លះ លោកអ្នកទៅចូលរួមការសិក្សាព្រះគម្ពីរ ហើយដំណើរជីវិតរបស់លោកអ្នកកំពុងដំណើរការទៅយ៉ាងសន្សឹមៗ ប៉ុន្តែក៏មានការបំផ្លាស់បំប្រែយ៉ាងតូចតាចផងដែរ។ ហើយមានពេលខ្លះទៀត លោកអ្នកទៅចូលរួមការសិក្សាព្រះគម្ពីរ ហើយក៏មានសេចក្ដីបង្រៀនណាមួយនៅក្នុងព្រះបន្ទូលរបស់ព្រះជាម្ចាស់បានបំផ្លាស់បំប្រែទិសដៅនៃដំណើរជីវិតរបស់លោកអ្នកទាំងស្រុងតែម្ដង។
នៅឆ្នាំ១៩៩៨ កាលយើងខ្ញុំមានអាយុ១៨ឆ្នាំ ហើយជានិស្សិតឆ្នាំទី១នៅមហាវិទ្យាល័យ យើងខ្ញុំបានយល់អត្ថន័យនៃជីវិតអាពាហ៍ពិពាហ៍ក្នុងរបៀបមួយដែលយើងខ្ញុំមិនធ្លាប់បានយល់ពីមុនមកសោះ។ យើងខ្ញុំបានចុះឈ្មោះសិក្សាព្រះគម្ពីរជាមួយនឹងគ្រូគង្វាលនៅឯមហាវិទ្យាល័យរបស់យើងខ្ញុំ ដែលប្រធានបទមានចំណងជើងថា «ការត្រៀមខ្លួនសម្រាប់ជីវិតអាពាហ៍ពិពាហ៍»។ នៅថ្ងៃនោះ លោកគ្រូគង្វាលរបស់យើងខ្ញុំបានឲ្យកិច្ចការផ្ទះមួយមកកាន់យើងខ្ញុំ និងបុរសមួយចំនួនទៀតដែលនៅក្នុងបន្ទប់នោះ ដែលរហូតមកដល់សព្វថ្ងៃនេះយើងខ្ញុំនៅតែបន្តបំពេញកិច្ចការផ្ទះមួយនោះអស់រយៈពេល២២ឆ្នាំហើយ។ ហើយយើងខ្ញុំនឹងនៅតែបន្តធ្វើកិច្ចការនោះរហូតទាល់តែប្រពន្ធយើងខ្ញុំ និងយើងខ្ញុំស្លាប់។
លោកគ្រូគង្វាលយើងខ្ញុំបានអានមកកាន់ពួកយើងថា «បុរសរាល់គ្នាអើយ ចូរស្រឡាញ់ប្រពន្ធខ្លួន ដូចជាព្រះគ្រីស្ទបានស្រឡាញ់ដល់ពួកជំនុំ» (អេភេសូរ ៥:២៥)។ បន្ទាប់មក គាត់ក៏បានសួរសំណួរដែលយើងគួរសួរ (សំណួរដែលយើងក្នុងនាមជាប្ដីតែងតែបរាជ័យក្នុងការសួរជារៀងរាល់ថ្ងៃខណៈពេលដែលយើងរវល់ធ្វើការ និងរវល់ជាមួយនឹងជីវិតនៃគ្រួសាររបស់យើងខ្លាំងពេក)៖ តើព្រះយេស៊ូវស្រឡាញ់ក្រុមជំនុំរបស់ទ្រង់ដោយរបៀបណា?
របៀបស្រឡាញ់១០យ៉ាងដូចព្រះគ្រីស្ទ
ពីមួយឆ្នាំទៅមួយឆ្នាំ យើងខ្ញុំបានស្វែងរកក្នុងព្រះគម្ពីរអំពីរបៀបដែលព្រះគ្រីស្ទស្រឡាញ់ក្រុមជំនុំទ្រង់ របៀបដែលទ្រង់បានត្រាស់ហៅឲ្យយើងខ្ញុំបង្ហាញក្ដីស្រឡាញ់ក្នុងការដែលយើងខ្ញុំស្រឡាញ់ប្រពន្ធយើងខ្ញុំ ហើយយើងខ្ញុំបានរកឃើញរបៀបនៃការស្រឡាញ់នោះបាន១០យ៉ាងដែលល្អៗ។ ក្នុងនាមជាប្ដីម្នាក់ ព្រះជាម្ចាស់បានត្រាស់ហៅឲ្យលោកអ្នកស្រឡាញ់ប្រពន្ធខ្លួនដូចព្រះគ្រីស្ទស្រឡាញ់នាង ដូច្នេះចូលឲ្យយើងសញ្ជឹងគិតទៅលើជម្រៅ ភាពស្មុគស្មាញ និងការស្រឡាញ់ដែលគ្មានគូផ្ទឹមបានរបស់ទ្រង់ចុះ។
១. ក្ដីស្រឡាញ់ដ៏រឹងចចេស
ព្រះយេស៊ូវនឹងមិនដើរចេញពីកូនក្រមុំរបស់ទ្រង់ឡើយ។ ព្រះអង្គបានមានព្រះបន្ទូលទៅកាន់នាងថា «ហើយមើល៍ ខ្ញុំក៏នៅជាមួយនឹងអ្នករាល់គ្នាជារាល់ថ្ងៃដែរ ដរាបដល់បំផុតកល្ប» (ម៉ាថាយ ២៨:២០)។ ក្ដីស្រឡាញ់របស់ព្រះអង្គសម្រាប់ប្រពន្ធរបស់លោកអ្នកគឺមិនពឹងអាស្រ័យលើការប្រព្រឹត្តរបស់នាងឡើយ ប៉ុន្តែពឹងអាស្រ័យលើការតាំងសេចក្ដីសញ្ញានៃក្ដីស្រឡាញ់របស់ទ្រង់ចំពោះនាងវិញ។ នៅពេលដែលយើងរក្សាទុកនូវការតាំងសេចក្ដីសញ្ញាខាងឯអាពាហ៍ពិពាហ៍របស់យើង មិនថាយើងឆ្លងកាត់ទុក្ខលំបាកប៉ុណ្ណាក៏ដោយ ឬក៏នឹងមានការបំផ្លាស់បំប្រែខ្លាំងប៉ុណ្ណាពីមួយឆ្នាំទៅមួយឆ្នាំក្នុងជីវិតអាពាហ៍ពិពាហ៍របស់យើងក៏ដោយ ក៏ការនោះនឹងឆ្លុះបញ្ចាំងពីភាពរឹងចចេសរបស់ទ្រង់ និងការដែលព្រះអង្គស្រឡាញ់ដោយមានពេញទៅដោយទឹកចិត្ត។ សូមឲ្យប្រពន្ធយើងដឹងពីភាពកក់ក្ដៅនៃសេចក្ដីស្រឡាញ់ដែលថា អញនឹងមិនចាកចេញពីឯង ក៏មិនបោះបង់ចោលឯងឡើយ (ហេព្រើរ ១៣:៥)។
Score 7
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូន
មានមតិយោបល់ដែលបានអនុម័ត 1
ខ្ញុំអានអត្ថបទអត់សូវយល់ និងការបកប្រែ ហើយពាក្យ(ភាពរឹងចចេសរបស់ទ្រង់) មិនត្រូវប្រើចំពោះព្រះឡើយ ព្រោះពាក្យរឹងចចេសវាប្រើសម្រាប់តែមនុស្សដែលមិនស្តាប់បង្គាប់ ដែលរឹងរូស មនុស្សក្បាលរឹង កូនដែលមិន ស្តាប់បង្គាប់ ហ្នឹងទើបប្រើភាសាររឹងចចេស។ សូមព្រះប្រទានពរ
មតិយោបល់នឹងត្រូវបានពិនិត្យមុនពេលបង្ហាញ។
២. ស្រឡាញ់ដោយសង្ឃឹម
នៅពេលដែលព្រះយេស៊ូវសម្លឹងមើលកូនក្រមុំរបស់លោកអ្នក ព្រះអង្គបានឃើញរួចហើយអំពីការញែកជាបរិសុទ្ធរបស់នាង។ ក្ដីសង្ឃឹមមួយនេះមានយុទ្ធការនៅលើអំណាច និងក្ដីសង្ឃឹមនៃដំណឹងល្អ។ សាវ័ក ប៉ុល បានសរសេរទៅកាន់អស់អ្នកជឿថាពួកគាត់ «បានលាងស្អាតហើយ ក៏បានញែកជាបរិសុទ្ធ ហើយរាប់ជាសុចរិតផង ដោយនូវព្រះនាមព្រះអម្ចាស់យេស៊ូវ នឹងព្រះវិញ្ញាណរបស់ព្រះនៃយើងរាល់គ្នា» (១កូរិនថូស ៦:១១)។ តាមពិតទៅ ទ្រង់មិនមែនគ្រាន់តែមើលមកកាន់នាងថា នាងបានញែកជាបរិសុទ្ធហើយតែប៉ុណ្ណោះទេ ប៉ុន្តែទ្រង់ក៏បានមើលមកកាន់នាងថា នាងបានទទួលសិរីល្អរួចជាស្រេចទៅហើយ (រ៉ូម ៨:៣០)។ តើប្រពន្ធរបស់លោកអ្នកនឹងលើកឡើងថាលោកអ្នកស្រឡាញ់នាងដោយ «សង្ឃឹមទាំងអស់» ប៉ុន្មានដងទៅ (១កូរិនថូស ១៣:៧)? ដោយរំពឹងគិតពីភាពអស់កល្បជានិច្ច នោះលោកអ្នកនឹងអាចមានការអត់ធ្មត់ជាមួយនឹងប្រពន្ធលោកអ្នកបាន ដូចដែលព្រះគ្រីស្ទមានចំពោះនាង ហើយនិងលោកអ្នកផងដែរ។
៣. ការដេញតាមស្រឡាញ់
ព្រះយេស៊ូវមិនដែលឈប់ដេញតាមនូវក្ដីស្រឡាញ់នៃដួងចិត្តរបស់ប្រពន្ធលោកអ្នក មិនមែនក្នុងភាពជាស្នេហា ប៉ុន្តែក្នុងភាពដែលជាប់លាប់។ តាមពិតទៅ ព្រះអង្គមិនគ្រាន់តែយកព្រះទ័យទុកដាក់ចំពោះភក្ដីភាពរបស់នាងប៉ុណ្ណោះនោះទេ ប៉ុន្តែព្រះអង្គយកព្រះទ័យទុកដាក់ចំពោះសុឆន្ទៈរបស់នាងផងដែរ (លូកា ១៥:៤-៧)។ ក្នុងរបៀបស្រដៀងគ្នានោះដែរ ព្រះជាម្ចាស់នឹងទទួលបានសិរីល្អ ពេលដែលប្ដីបន្តសង្វាតដេញតាមស្វែងរកឲ្យមានទំនាក់ទំនងកាន់តែស៊ីជម្រៅថែមទៀតជាមួយនឹងប្រពន្ធរបស់គាត់ផងដែរ។ ប្ដីណាដែលបានលង់ក្នុងក្ដីស្រឡាញ់របស់ព្រះយេស៊ូវក៏នឹងមិនចេះឈប់មានភាពផ្អែមល្ហែមចំពោះប្រពន្ធរបស់គាត់ឡើយ។
៤. ក្ដីស្រឡាញ់ដែលអត់ទោស
ព្រះយេស៊ូវប្រទានព្រះគុណទៅកាន់ប្រពន្ធរបស់លោកអ្នក នៅពេលដែលនាងមិនស័ក្ដិសមនឹងទទួលព្រះគុណនោះផង។ ទំនងជាចំណុចមួយដែលលោកអ្នកអាចបង្ហាញលក្ខណៈបែបដូចជាព្រះគ្រីស្ទដែលលោកអ្នកអាចធ្វើបាននោះ គឺផ្ដល់ការអត់ទោសទៅកាន់ប្រពន្ធរបស់លោកអ្នកជារៀងរាល់ថ្ងៃ ដោយចងចាំថាលោកអ្នកក៏ត្រូវការការអត់ទោសផងដែរ។ គំរូមួយនៃការបង្ហាញនូវសេចក្ដីស្រឡាញ់នៃការអត់ទោសដែលប្ដីអាចធ្វើបានគឺព្យាយាមត្រាប់តាមព្រះយេស៊ូវ ដូចនៅពេលដែលព្រះអង្គបានចម្អិនអាហារពេលព្រឹកសម្រាប់សាវ័ក ពេត្រុស ដែលគាត់ទើបតែបានប្រព្រឹត្តអំពើបាបទាស់នឹងទ្រង់ ដោយបានបដិសេធទ្រង់បីដងពេលទ្រង់ជាប់ឆ្កាង (យ៉ូហាន ២១:១២-១៥)។ ទាក់ទងនឹងតម្រូវការនៃការផ្សះផ្សា តើមាននរណាជាអ្នកចាប់ផ្ដើមការដោះស្រាយមុន លោកអ្នក ឬក៏ប្រពន្ធរបស់លោកអ្នក?
៥. ស្រឡាញ់ដោយអំណរ
ព្រះយេស៊ូវមិនមានទំនាក់ទំនងជាមួយនឹងប្រពន្ធរបស់លោកអ្នកក្នុងលក្ខណៈបែបស្ទាក់ស្ទើរទេ ប៉ុន្តែបែបជាប់លាប់ក្នុងការស្រឡាញ់នាង ពោលគឺព្រះអង្គស្រឡាញ់ក្នុងការស្រឡាញ់នាងណាស់។ ព្រះអង្គសព្វព្រះហឫទ័យក្នុងការនៅជាមួយនឹងកូនក្រមុំរបស់ទ្រង់។ ព្រះអង្គទទួលបានអំណរតាមរយៈការដែលទ្រង់ប្រទានអំណរមកកាន់យើង (ហេព្រើរ ១២:២)។ ប្រពន្ធណាដែលទទួលបានសេចក្ដីស្រឡាញ់យ៉ាងជ្រាលជ្រៅបែបនេះ ហើយដឹងថាប្ដីរបស់គាត់ស្រឡាញ់ពេញចិត្តក្នុងការស្រឡាញ់គាត់ នោះគាត់នឹងអាចក្លាយទៅជាព្រះពរដ៏មហិមាថែមទៀតចំពោះអ្នកដទៃជាមិនខាន។ ចូរស្រឡាញ់ប្រពន្ធរបស់លោកអ្នកដោយមានអំណរក្នុងរបៀបដែលថា គាត់នឹងដឹងពីក្ដីស្រឡាញ់មួយនោះ ហើយអ្នកដទៃក៏អាចនឹងមើលឃើញពីក្ដីស្រឡាញ់នោះបានដែរ។
៦. ស្រឡាញ់ដោយបម្រើ
ព្រះយេស៊ូវបានបម្រើនាងក្នុងការរស់ និងការស្លាប់របស់ព្រះអង្គ។ មិនមានអ្វីដែលព្រះជាម្ចាស់ត្រាស់ហៅឲ្យលោកអ្នកធ្វើសម្រាប់ប្រពន្ធលោកអ្នកដែលវាហួសហេតុខ្លាំងពេកនោះទេ! ព្រះយេស៊ូវ «បានប្រគល់ព្រះអង្គទ្រង់ជំនួសផង» (អេភេសូរ ៥:២៥)។ មានប្ដីជាច្រើននាក់ ឬភាគច្រើនដែលរាប់ខ្លួនឯងថាជាស្ដេចដែលត្រូវតែមានគេបម្រើលោក ប៉ុន្តែលោកអ្នក ហើយនិងយើងខ្ញុំគឺត្រូវបានព្រះជាម្ចាស់ត្រាស់ហៅឲ្យធ្វើជាមេបាវបម្រើ (អ្នកបម្រើចម្បង) នៅក្នុងផ្ទះរបស់យើងវិញ។ របៀបដែលយើងអាចបង្ហាញពីលក្ខណៈដូចជាព្រះគ្រីស្ទបាននៅក្នុងជីវិតអាពាហ៍ពិពាហ៍របស់យើង គឺយើងបានចូលរួមចំណែកជាមួយនឹងព្រះយេស៊ូវ ដែលទ្រង់បានបម្រើពួកសាវ័កទ្រង់ ដោយយកកន្សែង និងចានក្លាំលាងជើងពួកគេ (យ៉ូហាន ១៣:១២-១៧)។
៧. ស្រឡាញ់ដោយញែកជាបរិសុទ្ធ
ព្រះយេស៊ូវស្រឡាញ់ប្រពន្ធរបស់លោកអ្នកតាមរយៈការដែលព្រះអង្គជួយឲ្យនាងលូតលាស់ក្នុងការញែកជាបរិសុទ្ធ និងតាមរយៈការដែលព្រះអង្គធ្វើជាអ្នកទូលអង្វរជំនួសនាងនៅមុខព្រះភក្ត្ររបស់ព្រះវរបិតា (១យ៉ូហាន ២:១)។ តើលោកអ្នកលើកទឹកចិត្តឲ្យប្រពន្ធរបស់លោកអ្នកទៅចូលរួមការរៀនព្រះគម្ពីរដែរឬទេ ទោះបើការឲ្យនាងទៅនោះមានន័យថា លោកអ្នកត្រូវតែមើលថែរក្សាកូនចៅតែម្នាក់ឯងនៅយប់នោះ? តើលោកអ្នកអធិស្ឋានជាជាប់លាប់សម្រាប់ប្រពន្ធរបស់លោកអ្នកទៅកាន់ព្រះជាម្ចាស់ដែរឬទេ? ចូរខំឲ្យខ្លាំងក្នុងការជួយឲ្យប្រពន្ធលោកអ្នកលូតលាស់ខាងឯព្រលឹងវិញ្ញាណចុះ។
៨. ស្រឡាញ់ដោយដឹកនាំ
ព្រះយេស៊ូវដឹកនាំយើងទៅកាន់អ្វីដែលជាប្រយោជន៍ដល់យើង។ ព្រះយេស៊ូវមិនគ្រាន់តែស្រឡាញ់ប្រពន្ធរបស់លោកអ្នកដោយមានការដឹកនាំ ជាជាងការស្រឡាញ់ដែលគ្មានសកម្មភាពប៉ុណ្ណោះទេ ប៉ុន្តែព្រះអង្គក៏ដឹកនាំនាងទៅកាន់អ្វីដែលជាប្រយោជន៍ដល់នាងទៀតផង (ទំនុកតម្កើង ២៣:២)។ យើងមិនអាចដឹកនាំប្រពន្ធយើងខាងឯព្រលឹងវិញ្ញាណបានឡើយ ប្រសិនបើយើងមិនស្ថិតក្រោមការដឹកនាំរបស់ព្រះអង្គតាមរយៈព្រះបន្ទូល និងការអធិស្ឋានដោយខ្លួនឯងជាមុនសិន។ របៀបមួយដែលលោកអ្នកអាចដឹកនាំនាងឲ្យបានល្អគឺតាមរយៈការសុំគំនិតយោបល់ពីនាង ហើយបន្ទាប់មកធ្វើការសម្រេចចិត្តធំៗ (និងទទួលយកផលកម្ម) ជាជាងឲ្យការសម្រេចចិត្ត និងផលកម្មធ្លាក់ទៅលើនាង។
៩. ស្រឡាញ់ដោយផ្គត់ផ្គង់
ព្រះយេស៊ូវផ្គត់ផ្គង់ដល់ប្រពន្ធរបស់លោកអ្នកនូវរាល់អ្វីៗដែលនាងត្រូវការ។ តើលោកអ្នកចេះកត់សម្គាល់ពីតម្រូវការរបស់ប្រពន្ធលោកអ្នកដែរឬទេ ទោះបើលើសពីការផ្គត់ផ្គង់ខាងឯសាច់ឈាម ហើយបន្ទាប់មកធ្វើអ្វីមួយ ដើម្បីបំពេញតម្រូវការនោះ? ព្រះគ្រីស្ទថែរក្សានាង ដោយផ្គត់ផ្គង់នូវបរិយាកាសសម្រាប់ការលូតលាស់ និងការរីកចម្រើន។ សាវ័ក ប៉ុល បានពន្យល់មកកាន់យើងថា «ត្រូវឲ្យប្ដីស្រឡាញ់ប្រពន្ធបែបយ៉ាងនោះឯង គឺដូចជាស្រឡាញ់រូបកាយរបស់ខ្លួនដែរ» (អេភេសូរ ៥:២៨)។ ពេលដែលយើងខ្ញុំឃើញថា វាជាទំនួលខុសត្រូវរបស់យើងខ្ញុំក្នុងការធ្វើអ្វីដែលខ្ញុំអាចធ្វើបាន ដើម្បីជួយឲ្យប្រពន្ធយើងខ្ញុំរីកចម្រើនឡើង ការនោះបាននាំឲ្យមានការផ្លាស់ប្ដូរយ៉ាងខ្លាំងនៅក្នុងជីវិតអាពាហ៍ពិពាហ៍របស់យើងខ្ញុំ។
១០. ស្រឡាញ់ដោយស្គាល់
ព្រះយេស៊ូវស្គាល់ប្រពន្ធរបស់លោកអ្នកខ្លាំងជាងនាងស្គាល់ខ្លួនឯងទៅទៀត។ ព្រះអង្គស្រឡាញ់នាងដោយស្គាល់នាង។ ព្រះអង្គស្គាល់ចំណុចខ្លាំងៗរបស់នាង និងចំណុចខ្សោយៗរបស់នាង ហើយព្រះអង្គបានមានសកម្មភាពជំនួសនាងទៀតផង (អេភេសូរ ៥:២៩-៣០)។ ទោះបើយើងមិនអាចនឹងស្គាល់ប្រពន្ធយើងដូចដែលព្រះជាម្ចាស់សព្វព្រះហឫទ័យឲ្យយើងស្គាល់ពួកគាត់ក៏ដោយ ក៏ទ្រង់នៅតែសព្វព្រះហឫទ័យឲ្យយើងព្យាយាមស្គាល់ពួកគាត់តាមលទ្ធភាពដែលយើងអាចស្គាល់ពួកគាត់បានដែរ។ ការអធិស្ឋានរបស់យើងសម្រាប់ពួកគាត់នឹងតែងតែមានការរារាំង ប្រសិនបើយើងបរាជ័យក្នុងការស្គាល់ពួកគាត់ (១ពេត្រុស ៣:៧)។ ពេលដែលយើងព្យាយាមឲ្យកាន់តែស្គាល់ប្រពន្ធរបស់យើង នោះពួកគាត់នឹងដឹងថា យើងកំពុងតែស្រឡាញ់ពួកគាត់ហើយ។
ការប្រឆាំងអារក្សជាមួយនឹងសេចក្ដីស្រឡាញ់
មានល្ងាចមួយ យើងខ្ញុំកំពុងដើរនៅក្នុងបន្ទប់គេងរបស់យើងដោយមិនបានពាក់ស្បែកជើង ហើយពេលនោះយើងខ្ញុំក៏បានឃើញនូវអ្វីមួយដែលយើងមិនចង់ឃើញនៅក្នុងផ្ទះយើង ពោលគឺកន្ទុយសត្វពស់មួយដែលកំពុងតែលូនចេញពីកន្លែងជ្រុងជញ្ជាំងដែលជួបគ្នាជាមួយនឹងកម្រាលឥដ្ឋ។ យើងបានរកឃើញថា គ្រឹះផ្ទះរបស់យើងបានប្រេះ ហើយសត្វពស់នោះក៏បានចូលតាមកំហែងប្រេះនោះ ឡើងមកក្នុងផ្ទះរបស់យើង។
បងប្អូនអើយ យើងមានខ្មាំងសត្រូវមួយ គឺពស់ពីបុរាណ ដែលមានបំណងចិត្តក្នុងការលូនចូលមកក្នុងផ្ទះយើង ហើយបង្កបង្កើតឲ្យមានបញ្ហា។ ប៉ុន្តែ ចូរសរសើរតម្កើងព្រះជាម្ចាស់ យើងដឹងហើយថា ព្រះយេស៊ូវគ្រីស្ទដែលជាអ្នកកិនក្បាលសត្វពស់ ព្រះអង្គបានយកឈ្នះលើវារួចហើយ ហើយព្រះអង្គស្រឡាញ់យើងដោយមានសេចក្ដីស្រឡាញ់បែបអធម្មជាតិទៀតផង។ ចូរដឹងឲ្យប្រាកដថា នៅពេលដែលលោកអ្នកស្រឡាញ់ប្រពន្ធលោកអ្នកដូចដែលព្រះគ្រីស្ទស្រឡាញ់នាង នោះមូលដ្ឋានគ្រឹះនៃជីវិតអាពាហ៍ពិពាហ៍របស់លោកអ្នកនឹងទទួលបានការពង្រឹងឡើង សាតាំងបានចាញ់ជាថ្មីម្ដងទៀត ហើយព្រះគ្រីស្ទក៏ត្រូវបានតម្កើងឡើងសម្រាប់ឲ្យអ្នកដទៃកាន់តែមើលឃើញទ្រង់ថែមទៀតផង។
កណ្ឌគម្ពីរ ២ថែស្សាឡូនីច ១:៨ បានលើកឡើងអំពី «ការសងសឹក» របស់ព្រះជាម្ចាស់។ ពាក្យជាភាសាក្រិក «អេកឌីខេស៊ីស» (ekdikēsis) បង្ហាញអំពីសេចក្ដីយុត្តិធម៌ ឬការផ្ដន្ទាទោស ដោយសំដៅទៅលើសេចក្ដីយុត្តិធម៌នៃការប្រោសលោះរបស់ព្រះជាម្ចាស់ ជំនួសឲ្យអ្នករើសតាំងរបស់ទ្រង់ (លូកា ១៨:៧-៨) ឬសំដៅទៅលើការផ្ដន្ទាទោសដ៏សុចរិតរបស់ទ្រង់ទៅលើអ្នកដែលទាស់ប្រឆាំងនឹងទ្រង់ (លូកា ២១:២២; រ៉ូម ១២:១៩)។
